“నీ మదిలో ఎందుకు శుంఠ "

కురిసిన వానకు 

పారే యేరుకు 

నిండిన చెరువుకు  

త్రాగే నీరుకు "వీటికి లేని అంటు"

 “నీ మదిలో ఎందుకు శుంఠ "

వెన్నెల వెలుగుకు 

వన్నెల గాలికి

సూర్యుని కిరణం 

మోసే నేలకు "వీటికి లేని అంటు"

“నీ మదిలో ఎందుకు శుంఠ "

పూచే పువ్వుకు

కాచే కాయకు 

పెంచిన తోటకు 

పండిన చోటకు "వీటికి లేని అంటు"

“నీ మదిలో ఎందుకు శుంఠ "

చెక్కే ఉలికి 

చేసిన సారెకు

నేసే మగ్గంకు

వేసిన పగ్గంకు "వీటికి లేని అంటు"

“నీ మదిలో ఎందుకు శుంఠ "


పంటను కాచిన వారిని 

చెప్పులు చేసిన వారిని 

గుడినే మెత్తిన వారిని

బడినే కట్టిన వారిని "తాకితె అంటే నంటే"

“మానవ శుంఠే నంటా

- పి.ఎన్ మూర్తి.    

pnmoor@gmail.com 

9441151672